नेपाली साहित्यिक पत्रकारितामा अत्यन्तै महत्वपूर्ण योगदान रहेको जनमत साहित्यिक पत्रिकाको पूर्णाङ्क ३२२ 'भक्तपुर विशेष अङ्क' को २०८१ साल भाद्र १५ गते भक्तपुरको ठिमीस्थित यचु पार्टी प्यालेसमा सार्वजनिकीकरण कार्यक्रम सम्पन्न भएको छ । फेमकुमारी डोरनाथ ढुङ्गेल साहित्य प्रतिष्ठानको आयोजनामा भएको उक्त कार्यक्रम प्रतिष्ठानका अध्यक्ष राममणि ढुङ्गेलको सभापतित्वमा भएको थियो । पत्रिकाको उक्त विशेष अङ्कको कार्यक्रमका अतिथिहरु प्रा.डा. हेमनाथ पौडेल, धनमान श्रेष्ठ, मातृका पोखरेल, मोहन दुवाल, राममणि ढुङ्गेल र चन्द्रप्रसाद न्यौपानेले सार्वजनिकीकरण गर्नुभयो । मोहन दुवाल प्रधान सम्पादक रहनुभएको उक्त पत्रिकाको यस अङ्कका लागि अतिथि सम्पादक राममणि ढुङ्गेल रहनुभएको थियो ।
